1 / 2
Nógv fólk var samankomið í auluni á Fróðskaparsetrinum mikukvøldið 29. mars, tá skipað var fyri tiltaki við yvirskriftini: Námsfrøðingur í dag og í framtíðini.
Framløgur vóru um virksemi hjá námsfrøðingunum, tær góðu søgurnar og úrslit av eini kanning um miðlaflutning og námsfrøði.
Síðan var pallborðsorðaskifti, har landsstýrismaðurin í barna- og útbúgvingarmálum, Djóni Nolsøe Joensen, eisini luttók.
Setrið fer í summar at taka tveir flokkar av námsfrøðingum upp, og tað fegnast øll um.
