Álit

Fólkaskúlaráðið hevur viðgjørt og greitt frá ymsum viðurskiftum og avbjóðingum í samband við landsroyndirnar. Fólkaskúlaráðið metir ikki, at landsroyndirnar skulu halda fram í verandi líki.

Tilmælið kann lesast her.

Álitið varð handa landsstýrisfólkunum í barna- og útbúgvingarmálum og almanna- og mentamálum.

Álitið kann lesast her.

Ein samdur arbeiðsbólkur mælir í álitinum til, at eitt heildagstilboð verður sett á stovn í Skúlanum á Trøðni komandi skúlaár. Álitið hevur 23 tilmælir, og verður millum annað mælt  til at íverketa heildagstilboðið sum eina 3-5 ára royndarverkætlan í fyrstu atløgu, áðrenn støða verður tikin, um talan skal vera um eitt varandi tilboð.

Tilmælið kann lesast her.

Læra til dekkara uppá styttri tíð

Arbeiðsbólkur hevur handað tilmæli til landsstýrismannin í barna- og útbúgvingarmálum, Djóna Nolsøe Joensen, um at endurskoða skipsatstøðisútbúgvingina á Sjónámi í Klaksvík.

Vinnan hevur leingi eftirspurt ein styttri leist til at gerast fulltikin dekkari umborð á handilsskipi, tí stórur tørvur er á fleiri føroyingum umborð. Í hesum sambandi setti landsstýrismaðurin á vetri 2023 arbeiðsbólk at endurskoða verandi útbúgving. 

Arbeiðsbólkurin tilmælir, at verandi skipsatstøðisútbúgving verður skipað í modulir, har tað fer at bera til at taka dekkarapartin og motorpartin fyri seg. Tilmælt verður, at fyrstu lestrarmodulini hugsavna seg um fakliga innihaldið til dekkara soleiðis, at tað fer at bera til at avgreiða skúlapartin til dekkara eftir sløkum hálvum ári og ikki sum áður, har tað hevur verið neyðugt at gingið í skúla í 1 ár fyri at fáa skúlagongdina til dekkara. Harumframt stendur greitt, at fleiri, ið hava drúgvar royndir á sjónum, skulu førleikametast á økinum og verður tilmælt, at hesi kunnu taka dekkarapartin við at taka 1 skúlamodul. Um hetta verður sett í verk, fer at bera til at taka útbúgving sum dekkari fyrst og síðani halda fram til skipsatstøðara, um ein ynskir tað.

Tilmælið kann lesast her.

Endurskoðan og umskipan av Familjudeplinum

Tann 11. mars 2024 var ein tvørfaklig og tvørgeiraligur arbeiðsbólkur settur at gera eitt ítøkiligt uppskot um, hvussu tilboðið á familjudeplinum kann íverksetast og umskipast í mun til, hvussu tað virkaði áður.

Í fyrstu atløgu hevur arbeiðsbólkurin gjørt uppskot um eitt familjuviðgerartilboð, sum kann setast í verk sum ein fyribils royndarskipan skjótast gjørligt, sum síðani skal eftirmetast og møguliga umskipast til eitt varandi tilboð.

Framtíðar tilboðið hevur tvey høvuðselement

1. Eitt fysiskt hús, sum virkar sum eitt viðgerðarstað og basa.
2. Eitt flytandi toymi, sum arbeiðir í heiminum hjá familjunum og í teirra netverki.

Hetta tilboðið verður ein miðdepil til fyribyrgjandi fyriskipanir við denti á munagóða og stuðlandi viðgerð, fyribyrging, førleikamenning og at seta í verk átøk tíðliga í barnalívinum.

Familjuviðgerðartilboðið skal verða eitt sterkt fakligt umhvørvi við fakligari servitan um børn og familjur við avbjóðingum, har møguleiki er fyri førleikamenning, sparring og eftirmeting.

Arbeiðsbólkurin metir, at eitt nýtt familjuviðgerðartilboð kann geva:

• Betri barnalív
• Skynsamari rakstur
• Høgan fakleika og tvørfakleika
• Færri umsorganaryvirtøkur
• Kost og lívsstílsbroytingar

Hugsað hevur verið um ávirkan fyribils og eisini sum frálíður.

Øll frágreiðingin kann lesast her

Fólkaskúlaálitið varð handað landsstýrismanninum 24. mai 2023.

Í álitinum eru 18 tilmæli, har høvuðstilmælini eru at lækka floksstøddina, at menna tvílæraraskipanina og at umskipa tíma- og lærugreinabýtið, soleiðis at skúlin í størri mun fær sett inn og lagt til rættis í mun til tørvin í einstaka flokkinum. Áherðsla er samstundis løgd á førleikamenning, sum er ein fyritreyt fyri, at skúlin bæði kann skipa samlæring og eina fjølbroytta undirvísing, har dentur verður lagdur á bæði bókligu, handaligu og skapandi lærugreinarnar, umframt fjølbroyttar arbeiðshættir. Umráðandi er at skúlin í sínari ráðlegging  av undirvísingini í hvørjum flokki bæði tekur hædd fyri trivnaði og einari fjølbroyttari undirvísing.  

Álitið kann lesast her. 

Tey, sum hava mannað arbeiðsbólkin eru: Vagn Foldbo, Harriet Hansen, Janus Vang, Erla Olsen,  Janus Haraldsen, Eyðdis Eidesgaard, Jacob Eli Olsen, Rannvá Joensen, Eyðun Gaard, Høgni V. Warberg, og Jenny Lydersen, forkvinna.

Tilmæli "Fyri barnsins besta" frá Dagstovnaráðnum - handað landsstýrismanninum í februar 2023. Les her.

Seinastu árini hevur alsamt størri fokus verið á, at avbjóðingar eru í skipanum og kring skipanir, sum skulu samskipa sítt virksemi, soleiðis at børn og ung í truplum umstøðum verða stuðlað og hjálpt. Í hesum sambandi setti landsstýrismaðurin í Uttanríkis- og mentamálum (í dag Barna- og útbúgvingarmálaráðið) henda arbeiðsbólk at nágreina og vísa á átøk á fólkaskúlaøkinum, sum kunnu økja um sannlíkindi fyri, at avvarðandi skipanir yvirum geirar megna at samskipa sítt virksemi, so at børn við sálarligum og sosialum avbjóðingum trívast, mennast og læra í fólkaskúlanum.

Tilmælið varð handa mánadagin 13. februar 2023.

Les tilmælið her.

Arbeiðsbólkurin, sum í vár 2021 varð settur at koma við boðum uppá átøk, ið kunnu bøta um sannlíkindi fyri at ung við sálarligum og/ella sosialum avbjóðingum, megna at fullføra miðnám, hevur handað landsstýrismanninum tilmæli.

Arbeiðið hjá bólkinum fevnir um skúlaøkið, heilsuøkið og almannaøkið.

Tilmælið varð handað landsstýrismanninum 18. november 2021.

Les her.

Arbeiðsbólkur, sum varð settur at gera uppskot til tillagingar í fólkaskúla og á miðnámi við tí endamáli at styrkja støðuna hjá fremmandamálum í skúlaverkinum, hevur handað landsstýrismanninum tilmæli tann 28. oktober 2021. Les her.

Bóklingurin vendir sær fyrst og fremst til lærarar og onnur starvsfólk í fólkaskúlanum, sum taka ímóti og undirvísa tvímæltum næmingum, ið hava annað móðurmál enn føroyskt. Harumframt er bóklingurin eisini viðkomandi hjá stovnum, ráðgevum og ábyrgdarpersónum, ið hava tilknýti til fólkaskúlan. Les her: 

Landsstýrismaðurin fekk handað álit um dagføring av bókasavnslógini í september 2020. Álitið sæst her

Arbeiðsbólkur hevur handað Honnu Jensen, landsstýriskvinnu, eitt tilmæli til framtíðarætlan fyri fremmandamál í føroyska undirvísingarverkinum. Les tilmælið her.

Kanning um happing og trivnað í føroyska fólkaskúlanum handað landsstýriskvinnuni í útbúgvingar- og granskingarmálum, Honnu Jensen.

Sí annars tíðindaskriv her.

Tann 13. mai 2019 varð eftirmetingin av tilboðnum »Lopfjølin« handað landsstýriskvinnuni í útbúgvingar- og granskingarmálum, Honnu Jensen, og borgarstjóranum í Havn, Anniku Olsen. Les eftirmetingina her.

Tær fýra, Turið Kjølbro, Marjun Ziskason, Lydia Didriksen og Sissal M. Rasmussen, sum tóku stig til kanningina av lesivanum hjá trimum árgangum í fólkaskúlanum í 2017/18,  handaðu fríggjadagin tann 22. februar 2019 Honnu Jensen, landsstýriskvinnu, eitt upprit um, hvat kann verða gjørt og sett í verk, soleiðis at børn lesa meiri. Les uppritið her.

Arbeiðsbólkur við Sigurði í Jákupsstovu, rektara á Fróðskaparsetri Føroya, hevur handað Mentamálaráðnum tilmæli og stragiska kampusætlan. Les her.

BYGGISKRÁ. November 2018. TJÓÐLEIKHÚS - til virksemið hjá Tjóðpalli Føroya. Les her.

Rigmor Dam, landsstýriskvinna, fekk álit um at eftirmeta breytaskipanina handað tann 12. september 2018. Les álitið her.

Á fundi í Mentamálaráðnum grundlógardagin 5. juni 2018 fekk Rigmor Dam, landsstýriskvinna, álit um vaksnamannaútbúgving og arbeiðsmarknaðardepil handað. Les álitið her.